Buffalo Springfield

Buffalo Springfield
Fitxategi:Irudirik ez
Datuak
Jatorria	Los Angeles, Kalifornia, AEB
Musika mota	Folk rock, Rock psikodeliko, Country rock
Urteak	1966 - 1968 2010 - 2012
Produkzioa
Diskoetxea(k)	Atco, Atlantic
Lehengo taldekideak
Richie Furay Stephen Stills Neil Young Dewey Martin Bruce Palmer Jim Messina Doug Hastings Ken Koblun Jim Fielder Joe Vitale Rick Rosas
Sariak
Jasotako sariak	ikusi Rock and Roll Hall of Fame  (1997)
Informazio gehigarria

Buffalo Springfield 1966-1968 epean jardunean egon zen kanadiar-estatubatuar rock talde bat izan zen, batez ere ezaguna bertatik irtengo zirelako gerora handiak bilakatuko ziren musikariak: Neil Young, Stephen Stills eta Richie Furay. Britainiar Inbasioa deituriko mugimendutik sortutako lehenetako talde amerikarra izanik, bandak modu oso pertsonalean nahastu zituen rocka, folk rocka eta countrya. Seguruenik euren abesti ezagunena For What It's Worth izan zen, 1960ko hamarkadaren bukaerako ereserki politikoa bihurtzeraino.

1966an sortua, Buffalo Springfielden ibilbide laburra barne borrokez josia egon zen; halaber, drogak edukitzeak edo kontsumitzeak eragindako atxiloketek eta kide aldaketa sarriek taldea desegitera eraman zuten bi urte beranduago. Denbora tarte horretan hiru album eman zituzten argitara, nahiz eta hainbat maketa, baztertutako saio eta zuzeneko grabazio hurrengo hamarkadetan argitaratuak izan ziren.

Ibilbide laburrekoa eta ekoizpen mugatukoa izan arren, bere garaiko eragin handienetako taldea izan zen, Rock and Roll Hall of Famen (Rock and Rollaren Ospearen Aretoa) sartuz eta Crosby, Stills, Nash & Young, Poco, Manassas eta Loggins & Messina bezalako taldeak sortzeko aurrekari izanez.